«2024»Í dag«Mar»
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
M T M H F L S

Sunnudagin 18. februar verður aðalfundur Vága Dansifelags 2018 í Beitinum.

Um aðalfundin stendur í viðtøkum felagsins:

§3.

Aðalfundurin er hægsti myndugleiki felagsins. Aðalfundurin verður hildin á hvørjum ári eftir føstulávint og fyri pálmasunnudag. Aðalfundurin verður lýstur alment í minsta lagi tvær vikur áðrenn fundin. Uppskot til aðalfundin skulu vera nevndini í hendi í seinasta lagi eina viku áðrenn fundin.

§4.

Felagið verður stjórnað av trímannanevnd, sum verður vald á aðalfundi. Ein limur verður valdur hvørt líka ár, og tveir limir verða valdir hvørt ólíka ár. Nevndin skipar seg sjálv. Nevndin er viðtøkufør, tá allir nevndarlimir eru møttir á fundi. 

§5.

Roknskaparárið er álmanakkaárið.  

§6.

Aðalfundur.

Fundarskrá:

1. Val av orðstýrara.

2. Formansfrágreiðing.

3. Grannskoðaður roknskapur verður lagdur fram.

4. Innkomin mál.

5. Val av nevnd og tveimum varalimum.

6. Val av tveimum grannskoðarum.

7. Áseting av limagjaldi

8. Ymiskt.

§7.

Aðalfundurin er altíð viðtøkuførur. Eykaaðalfundur verður hildin, tá nevndin ella minst 10 limir krevja tað.


Hesaferð stendur ein nevndarlimur fyri vali, 2 eykalimir og tveir grannskoðarar.

Um tit hava okkurt mál, sum tit vilja hava tikið upp á aðlfundinum, so skal tað vera nevndini í hendi eina viku fyri aðalfundin, sum er sunnudagin tann 11. februar.